अखबार नेपाल ट्रेन्डिङ

काठमाडौं: चिकित्सा शिक्षा सुधारका अभियन्ता डा. गोविन्द केसीले फेरि सत्याग्रहको तयारी गरेका गरिरहेका छन् ।

यसअघि सरकारसँग भएका कतिपय सम्झौता कार्यान्वयन नभएको भन्दै उनले आफ्ना माग पूरा नभए सत्याग्रह थाल्ने चेतावनी दिएका हुन् ।

‘यही अवस्था अर्को पाँच वर्ष पनि दोहोरिने हो भने देशको स्वास्थ्य प्रणाली पूर्णरुपमा धराशायी हुने निश्चित भएकाले आसन्न स्थानीय र त्यसपछिको प्रादेशिक तथा आमचुनावमा पार्टीहरुको सही प्राथमिकता सुनिश्चित गर्नु अनिवार्य बनेको छ,’ उनले भनेका छन्, ‘त्यसैले देशको स्वास्थ्य प्रणालीमा सुधार गर्नका लागि सरकार र मुख्य राजनीतिक दलहरुलगायत सबै सरोकारवालासमक्ष निम्न मागहरु प्रस्तुत गर्दर्छौं । यी माग पूरा नभएमा कुनै पनि बेला सत्याग्रह शुरु गर्ने जानकारी गराउन चाहन्छौं ।’

केसीले पाँचबुँदे माग अघि सार्दै अर्को सत्याग्रह गर्न लागेका हुन । उनले सार्वजनिक पदमा बस्नेहरुको स्वार्थको द्वन्द्व रोक्न तत्काल कानुनी व्यवस्था गर्नुपर्ने, विगतमा भएका सम्झौताहरु तथा प्रधानमन्त्रीले गरेका प्रतिबद्धता कार्यान्वयन गर्नुपर्ने, तोकिएको दरबन्दीअनुसारको क्षमताभन्दा बढी बेडमा चलिरहेका देशका सबै सरकारी अस्पतालको दरबन्दी तत्काल हालको बेड संख्याअनुसार बढाउनु पर्नेलगाएतका माग अघि सारेका छन् ।