रामेछाप: रामेछापको मन्थली नगरपालिका-१३ फुलासीमा आफ्नै घरको आँगनमा राखिएको प्लाष्टिकको ड्रममा डुबेर बालकको मृत्यु भएको छ ।

मृत्यु हुनेमा स्थानीय कुमार भुजेलको २८ महिनाको छोरा स्वतिक भुजेल रहेको जिल्ला प्रहरी कार्यालय रामेछापले जनाएको छ ।

हजुरआमासँग घरको आँगनमा खेलिरहेका बालक हजुरआमा गोठमा गाइभैंसीलाई घाँस हाल्न गएका बेला डुबेको बताईएको छ ।

५० लिटरको ड्रममा डुबेका बालकलाई उपचारका लागि मन्थलीस्थित तामाकोसी अस्पतालमा ल्याइएको र उनको उपचारकै क्रममा मृत्यु भएको प्रहरीले जनाएको छ ।

घरको आँगनकै प्लाष्टिकको ड्रममा डुवेर बालकको मृत्यु भएपछि प्रहरीले सार्वजनिक अपिल गर्दै घरका साना नानीबाबुहरुलाई एक्लै नछाड्न अनुरोध गरेको छ ।

• हिमाल ढुंगेल