काठमाडौं: राष्ट्रपति समक्ष विपक्षी गठबन्धन र सत्तारुढ केपी शर्मा ओली पक्षले नयाँ सरकारका लागि छुट्टाछुट्टै हस्ताक्षर शीलत निवासमा बुझाएका छन् ।

संविधानको धारा ७६ को उपधारा ५ अनुसार सरकार गठन गर्न राष्ट्रपति आव्हान बिहिबार आह्वान गरेकी थिईन् ।

हाल प्रतिनिधि सभामा २७१ जना सांसद छन् ।

तर दलहरुले ३०२ जनाको हस्ताक्षर बुझाएका छन् ।

विपक्षी गठबन्धनका तर्फबाट शेरबहादुर देउवालाई प्रधानमन्त्रीका रुपमा अघि सार्दै नेताहरु शीतलनिवास पुगेका थिए ।

विपक्षी गठबन्धनका नेता शीतलनिवास पुग्नु अघि नै प्रधानमन्त्री ओली शीतल निवास पुगेर बहुमत सांसदको हस्ताक्षर बुझाएका थिए ।

ओलीले एमालेका १२१ सांसद र जनता समाजवादीका ३२ सांसद गरी १५३ सांसदको हस्ताक्षर सहित सरकारको नेतृत्वका लागि आधार पेश गरेका छन् ।

ओलीले बुझाएको हस्ताक्षरमा एमालेका तर्फबाट अध्यक्ष ओली र जसपाका तर्फबाट महन्थ ठाकुर र राजेन्द्र महतोले हस्ताक्षर गरेका छन् ।

यता विपक्षी गठबन्धनले भने १४९ सांसदको हस्ताक्षर पेश गरेका छन् ।

दुवै तर्फको सांसद संख्या जोड्दा ३०२ हुन्छ ।

प्रधानमन्त्री ओली र विपक्षी गठबन्धनका नेताहरु शीलतनिवासमा हस्ताक्षर बुझाएर फर्किसकेका छन् ।

बहुमतको हस्ताक्षर संविधानको धारा ७६ को उपधारा ५ मा राष्ट्रपतिले स्वविवेकीय निर्णय गर्न पाउने भएकाले उनले कसलाई मान्यता दिन्छिन् भन्ने प्रश्न उठेको छ ।

प्रधानमन्त्रीमा दाबी पेश गरेर ओली शितल निवासबाट बाहिरिए