अखबार नेपाल ट्रेन्डिङ

रामेछाप: रामेछाप जिल्लाको खाँडादेवी गाउँपालिका-७ स्थित ज्योति माविमा कार्यरत शिक्षक संजय रायलाई प्रहरीले पक्राउ गरेको छ ।

सोहि विद्यालयमा कक्षा ११ मा अध्ययनरत छात्रालाई फोन तथा म्यासेन्जरबाट विभिन्न प्रलोभनमा पार्दै विवाह गर्न दबाब दिएको आरोपमा ४३ बर्षका शिक्षक रायलाई पक्राउ गरिएको जिल्ला प्रहरी कार्यालय रामेछापका प्रहरी प्रमुख नवराज ढुंगानाले बताए ।

आफुलाई पढाउने शिक्षकले विभिन्न प्रकारले दुर्व्यवहार गरेको भन्दै छात्राले आफ्नो अभिभावकसँग गुनासो गरेपछि विद्यालयमा भेला भएका अभिभावहरुकैबीचबाट शिक्षक रायलाई पक्राउ गरिएको हो ।

घट्नाका बारेमा अनुसन्धानका लागि अदालतबाट १० दिनको म्याद थप गरेर अहिले शिक्षक रायलाई  हिरासतमा राखिएको  प्रहरीले जनाएको छ ।

रायले आफ्नै विद्यालयमा अध्ययनरत छात्रालाई फोन तथा म्यासेन्जरबाट विभिन्न प्रकारका म्यासेज गर्दै हैरानी पार्ने, मोवाइल किनिदिने प्रलोभन देखाउँदै  नयाँ नयाँ ठाउँमा घुमाउन लान्छु भनेर प्रेम प्रस्ताव समेत राख्ने गरेको जिल्ला प्रहरी कार्यालय रामेछापले जनाएको छ ।

हेर्नुहोस् तपाईको आज २०७७ बैशाख १५ गते बुधबारको तपाईको राशिफल