अखबार नेपाल ट्रेन्डिङ

काठमाडौं: सबैभन्दा बढी वायु प्रदूषण हुने शहरमा काठमाडौं फेरि एक नम्बरमा पुगेको छ ।

विश्वका ५० शहरमा प्रदूषण बढ्दा काठमाडौं उपत्यका आज धमिलो देखिएको छ ।

प्रदूषित वायुको कण र देशका विभिन्न स्थानमा लागेको डढेलोको धुँवा उपत्यकाको आकाशमा थुप्रिदा धमिल भएको मौसमविद्ले बताएका छन् ।

प्रदूषण बढेको भन्दै सरकारले यही चैत्र १८ देखि २१ गतेसम्म ४ दिनसम्म विद्यालय बन्दसमेत गरेको थियो ।

यो बीचमा वर्षा भएको तथा हावा चलेर केही खुलेको काठमाडौं उपत्यका फेरि प्रदूषित बनेको हो ।

वातावरण विभागको वायु गुणस्तर मापन केन्द्रका अनुसार मंगलबार बिहान साढे ८ बजेको मापनमा सबैभन्दा धेरै प्रदूषण धादिङको एयर क्वालिटी इन्डेक्स (एक्यूआई)  ३४४  छ ।

तर काठमाडौं उपत्यका भक्तपुर, ललितपुर लगायतको क्षेत्रको एक्यूआई २ सयभन्दा कम छ ।

सामान्यतया प्रदूषणको मात्रा १५० देखि माथि पुग्नुलाई हानिकारक मानिन्छ ।

यस आधारमा काठमाडौं विश्वकै सबैभन्दा धेरै प्रदूषित शहरमा परेको छ ।

आइक्यू एअरको बिहान ८:४० बजेको अपडेट अनुसार काठमाडौँको वायुमण्डलमा एअर क्वालिटी इन्डेक्स एक्यूआई) २३३ पुगेको छ ।

हावामा प्रदूषणको मात्राले खतराको तह नाघेर २०० माथि नाघ्दा बस्न र हिडडुल गर्न स्वास्थ्यका लागि जोखिमपूर्ण हुने वातावरणविदले बताएका छन् ।

प्रदूषण बढेपछि काठमाडौँमा सास फेर्न समस्या बढ्दै गएको छ भने आँखा पोल्ने र शरीर पनि भारी हुने समस्या दैनिक बढेका छन् ।

दोलखाको विगु गाउँपालिकास्थित लादुकमा गाडी दुर्घटना, चार जनाको मृत्यु, १८ जना घाइते
कोरोना फैलिएसँगै जनस्वास्थ्यका नयाँ मापदण्ड आउँदै