अखबार नेपाल ट्रेन्डिङ

काठमाडौं: नेपाल कम्युनिष्ट पार्टी (नेकपा) प्रचण्ड-नेपाल समूहले प्रत्येक सांसदलाई पाँच करोड दिने प्रलोभन दिँदै पाँच सांसदलाई बन्धक नै बनाई राखेको समाचार सार्वजनिक भएको छ ।

सर्वोच्च अदालतले प्रतिनिधिसभा पुनःस्थापना गरी संसद बैठक बस्ने तयारी भईरहँदा प्रचण्ड-नेपाल समुहले नेकपाका सांसदलाई करोडौं अफर दिएर केही दिनदेखि बडिगार्डसहित होटलमा राखेको तथ्य खुलेको सार्वजनिक भएको हो ।

स्रोतका अनुसार आफूहरुतिर नरहने निश्चित भएपछि प्रचण्ड-नेपाल समुहका सांसद झपट रावल नेतृत्वको टीमलाई जिम्मा लगाएर प्रतिनिधिसभाका पाँच सांसदलाई होटलमा बन्धक जस्तै बनाएर राखिएको छ ।

सो समुहले आफ्नो संसदीय दलमा जवर्जस्ती गरेर पुर्याइएका पाँच जना सांसदलाई शुक्रबार साँझसम्म बबरमहलस्थित एक होटलमा राखेको र त्यहाँ राखेको सुइको पाएपछि ललितपुरतिर पुर्याइएको स्रोतको दाबी छ ।

सो होटलमा प्रतिनिधिसभाका सांसद माया ज्ञवाली न्यौपाने, गंगा सत्गौवा चौधरी, चाँद तारा, लक्ष्मी चौधरी र सविना हुसेनलाई शुक्रवार साँझसम्म राखिएको बताइएको छ ।

सांसदलाई आफ्नो सुरक्षामा राख्ने जिम्मेवारी पाउनु भएका प्रचण्ड-नेपाल समुहका नेता तथा सांसद झपट रावलले भने यस बिषयमा आफूलाई जानकारी नभएको बताए ।

सर्वोच्च अदालतले आज नेकपा ‘नाम’ को विवादमा फैसला दिँदै
कोभ्याक्स अन्तर्गतको ३ लाख ४८ हजार डोज खोप आज काठमाडौं आइपुग्ने, आजै दोस्रो चरणको खोप अभियान शुरू
प्रतिनिधिसभाको बैठक आज बस्दै, यस्तो छ कार्यसूची