अखबार नेपाल ट्रेन्डिङ

काठमाडौं: सरकारले लामो दूरीका यातायात सञ्चालन गर्न दिने निर्णय गरेसँगै उपत्यकाबाट बाहिरिने नाकामा चहलपहल हुन थालेको छ ।

मन्त्रिपरिषद्को सोमबारको बैठकले सबै खाले सार्वजनिक यातायात खुला गर्ने निर्णय गरेसँगै सबै खाले सार्वजनिक गाडी सञ्चालनमा आएका हुन् ।

कलंकी, कोटेश्वरलगायतका क्षेत्रबाट लामो दूरीका गाडी चल्न थालेका छन् । उपत्यकामा भने कोरोना महामारीको जोखिम बढ्दै गएकाले जोरबिजोर प्रणालीमा मात्रै सञ्चालनको अनुमति दिइएको छ ।

सार्वजनिक गाडी चलाउँदा सरकारले तोकेको स्वास्थ्य मापदण्ड अनिवार्य रुपमा पालना गर्नुपर्नेछ । चालक र सहचालकले पनि अनिवार्य मास्क लगाउनुपर्नेछ । यात्रुले स्यानिटाइर र मास्कको अनिवार्य प्रयोग गर्नु पर्नेछ ।

यस्तै भौतिक दूरी कायम गरी सिट क्षमताको ५० प्रतिशत मात्रै यात्रु राख्न पाइने छ । सरकारले तोकेको भाडामा अधिकतम ५० प्रतिशत बढीसम्म लिन पाइनेछ । खाजा र खाना खाने ठाउँमा पनि भौतिक दूरीको ख्याल गर्नु पर्नेछ ।

यो पनि पढ्नुहोसः विहीबारदेखि उपत्यकामा व्यापार व्यवसाय खुला गरिने, यातायातमा जोरबिजोर यथावत