अखबार नेपाल ट्रेन्डिङ

काठमाडौं: असोज १ अर्थात् आज विश्वकर्मा पूजाको दिन प्रविधि र मेशिनरीहरूको पूजा गरी भगवान विश्वकर्माको पूजा गरी मनाईदै छ ।

हरेक वर्ष कन्या संक्रान्तिको दिनमा अर्थात् १७ सेप्टेम्बरमा विश्वकर्मा पूजा गरिन्छ । अश्विन संक्रान्तिको दिन भगवान विश्वकर्माको जन्म भएको थियो यसैले यस दिनलाई विश्वकर्मा जयन्ती पनि भनिन्छ ।

नयाँ सवारी साधन किन्नेले विभिन्न शक्तिपीठमा गई आफ्नो सवारी साधन पूजा गर्ने भएकाले भद्रकाली, दक्षिणकाली लगायत मन्दिरमा दर्शनार्थीको अत्याधिक भीड लाग्छ । यो पूजा सबै कलाकार, शिल्पकार र औद्योगिक घराना, व्यापारी र मजदूरहरूले गर्छन् ।

द्वापर युगमा भगवान् कृष्णलाई राक्षसहरूले दुःख दिएपछि विश्वकर्माले समुद्रका बीचमा ‘भेद द्वारका’ बनाई लुकाएको धार्मिक विश्वास छ । एकै रातमा समुद्रका बीचमा ‘भेद द्वारका’ को निर्माण गरेकाले विश्वकर्मालाई सफल वास्तुविद्का रुपमा मानी त्यसै समयदेखि पूजाआज गर्ने प्रचलन चलि आएको मान्यता छ ।