अखबार नेपाल ट्रेन्डिङ

काठमाडौं: नेपालमा नेटवर्किङ व्यवसाय सम्बन्धी प्रतिवेदनमाथिको छलफल गर्न बोलाइएको संसदको उद्योग तथा वाणिज्य र श्रम तथा उपभोक्ता हित समितिको बैठक कोरम नपुगेर स्थगित भएको छ ।

बिहान साढे ११ बजे बोलाइएको बैठकमा सवा १२ बजेसम्म ६/७ जना मात्रै उपस्थित भएपछि कोरम नपुगेको भन्दै आजको बैठक स्थगित गरिएको समिति सभापति बिमल श्रीवास्तवले बताए ।

समितिमा २१ जना सदस्य छन् । कोरमका लागि ५१ प्रतिशत अर्थात ११ जना चाहिन्छ । वस्तुको प्रत्यक्ष बिक्रीको नाममा नेटवर्किङ बिजनेस सुरु भएको भनेर ब्यापक आलोचना भएपछि समितिले गत साउन १५ गते पाँच सदस्यीय ‘नेटवर्किङ व्यावसाय अध्ययन उपसमिति’ गठन गरेको थियो ।

सत्तारुढ दल नेकपाका सांसद सोमप्रसाद पाण्डे नेतृत्वको उपसमितिले ऐनको कमजोरी सच्याएर पिरामिड शैलीको नेटवर्किङ व्यवसाय गर्न नदिने गरी कदम चाल्न सिफारिस गरेको थियो ।