अखबार नेपाल ट्रेन्डिङ

दोलखा: दोलखा राप्रपाका केन्द्रीय सदस्य तथा युवा नेता प्रवीण कुमार थोकर लगायतका पाँच जनालाई प्रहरीले पक्राउ गरि जिल्ला प्रहरी कार्यालय चरिकोटमा राखिएको छ ।

खानेपानी लगायत भ्रष्ट्राचार व्यथितिको अन्त्यका लागि मेलुङ गाउँपालिकामा केही दिन अघि ज्ञापन-पत्र बुझाई त्यसको कार्यान्वयन नहुँदा भादौ १८ गते पुन: ज्ञापन-पत्र बुझाई तालाबन्दी र शान्तिपूर्ण धर्ना बसेको समयमा जिल्ला प्रशासन कार्यालयबाट गाउँपालिका अध्यक्ष नर बहादुर श्रेष्ठको दवावमा पक्राउ गरि जिल्ला प्रहरी कार्यालय चरिकोटमा राखिएको जनाईएको छ ।

मैलुङ खानेपानी सिंचाइको ९० लाख गाउँपालिका अध्यक्ष श्रेष्ठले एकलौटी रुपमा रकमान्तर गरि अन्य स्थानमा लगेको विरुद्धमा राप्रपा केस थोकर लागायत मैलुङ नेपाली कांग्रेसले संयुक्त विरोध कार्यक्रम आयोजना गरेको थियो ।

यता राप्रपा केन्द्रले समेत सो घटनाप्रति चासो देखाएको छ । राप्रपाका केस जनक राज पाठकले भने- “भ्रष्टाचार विरोधि अभियान राप्रपाको घोषित कार्यक्रम नै रहेकाले सोको विरोधमा गएका हाम्रा साथीहरुलाई जबरजस्ती शक्तिको आडमा पक्राउ गरिएको घटना निन्दनीय छ । हामी त्यसको भत्सर्ना गर्दछौं । तत्काल रिहाइको माग समेत गर्दछौं अन्यथा राप्रपा थप आन्दोलित हुने र सोबाट निस्कने परिणामको प्रशासन जिम्मेवार हुनेछ ।”

विकास बजेट आउँदा जुन काममा तोकिएको हो त्यसमा खर्च नगरि शक्तिको आडमा गाउँपालिका अध्यक्ष नर बहादुर श्रेष्ठले जुन हर्कत गरे त्यसको विरुद्धमा हामीले आवाज उठाउँदा हामीलाई प्रशसन लगाएर आज थुनिएको छ हामी चिन्तित पटक्कै छैनौ यसले भोलि उत्पन्न गर्ने परिणाम भोग्न गाउँपालिका अध्यक्ष श्रेष्ठ तयार रहे हुन्छ । नेता प्रवीण कुमार थोकरले चेतावनी दिए ।

पक्राउ परेका उनीहरुले आफुहरुको आन्दोलन शान्तिपूर्ण रहँदा रहँदै पनि गाउँपालिका अध्यक्षले शक्तिको आडमा आफुहरुमाथि बल प्रयोग गरि लोकतन्त्रमा बोल्न पाउने अधिकारको हनन गरेको बताएका छन् ।