अखबार नेपाल ट्रेन्डिङ

रामेछाप: कोरोना संक्रमणको संख्या बढ्दै जान थालेपछि रामेछापमा हिडडुलमा कडाइ गरिएको छ ।

मन्थली नगरपालिकाका कर्मचारीमा समेत कोरोना पोजेटिभ देखिए पछि रामेछाप प्रशासनले आजबाट हिडडुलमा कडाइ गनुका साथै मन्थली नगरपालिकको कार्यालय र आसपासका क्षेत्रलाई सिल गरेको हो  ।

नगरपालिकका कर्मचारीलाई नै कोरोना पोजेटिभ देखिएपछि समुदाय स्तरमा यसको संक्रमण फैलिएको आशंकामा मंथली बजारको केहि क्षेत्र सिल गरिएको जिल्ला स्वास्थ्य कार्यालय रामेछापले जनाएको छ ।

रामेछाप जिल्लामा पछिल्लो पटक संक्रमितहरुको संख्या बढ्दै गएकाले जिल्ला प्रशासन कार्यालयले जिल्लाका सवै बजार क्षेत्रहरु विहान १० बजे सम्म मात्र खोल्न दिने निर्णय गरेको प्रमुख जिल्ला अधिकारी रुद्रा देवी शर्माले बताउनु भयो । प्रशासनले अनावश्यक हिडडुलकालागि पूर्ण रुपमा प्रतिवन्ध लगाएको छ ।

आज बसेको संकट व्यबस्थापन समितिको वैठकले जिल्लामा चल्ने सवै सवारी साधन तथा मोटर साइकल समेतलाई भदौ ११ गते सम्मकालागि चलाउन निषेध गर्नुका साथै जिल्लाका ग्रामिण क्षेत्रमा लाग्ने हाटबजार तथा धार्मिक क्रियाकलाप र मन्दिरमा हुने जमघट समेतलाई  वैठकले प्रतिवन्ध लगाउने निर्णय गरेको छ।