अखबार नेपाल ट्रेन्डिङ

सिरहा:  सिरहाको धनगढीमाई नगरपालिकाकामा प्रमुख प्रशासकीय अधिकृतसहित आठ जना कर्मचारीमा कोरोना सङ्क्रमण पुष्टि भएपछि नगरपालिकाको अत्यावश्यकबाहेक सम्पुर्ण सेवा बन्द गरिएको छ ।

प्रमुख प्रशासकीय अधिकृतसहित कर्मचारीमा कोरोना सङ्क्रमण देखिएको र बाँकी कर्मचारीको पिसिआर रिपोर्ट आउन बाँकी रहेकाले असोज २५ देखि ३० गतेसम्मका लागि अत्यावश्यक सेवा बाहेक सम्पूर्ण सेवा बन्द गरिएको नगरपालिकाले जनाएको छ ।

कोरोना सङ्क्रमण पुष्टि भएका कर्मचारीको सम्पर्कमा आएका व्यक्तिमा पनि सङ्क्रमण हुनसक्ने सम्भावना रहेकाले तत्काल पिसिआर परीक्षण गराउन आग्रह गरिएको नगरपालिकाले जनाएको छ ।