अखबार नेपाल ट्रेन्डिङ

काठमाडौं: विश्वभर महामारीको रुपमा फैलिएको कोरोना कहरले तहनहस भएको पर्यटन क्षेत्र विस्तारै उठ्ने थालेको देखिएको छ ।

नेपाल आउने विदेशी पर्यटकको संख्या बढ्न थालेको छ । आन्तरिक पर्यटनका गतिविधि पनि बढेका छन् । चालु आर्थिक वर्ष २०७७/७८ को मंसिरसम्म हवाई मार्गबाट ६ हजार २८० जना विदेशी पर्यटक नेपाल भित्रिएका छन् ।

त्रिभुवन अन्तर्राष्ट्रिय विमानस्थलस्थित अध्यागमन विभागका अनुसार ५ महिनामा अमेरिकाबाट १ हजार ३ सय १७ जना पर्यटक नेपाल भित्रिएका छन् ।

त्यस्तै बेलायतबाट ९ सय १ जना पर्यटक नेपाल आएका छन् । चीनबाट ५ सय ७६ र भारतबाट ४ सय ३१ जना पर्यटक नेपाल आएका छन् ।

टर्कीबाट ३ सय ३, अस्ट्रेलियाबाट १ सय ३५, रसियाबाट १ सय ८०, फ्रान्सबाट १ सय ३५, जर्मनी र जापानबाट १ सय ८, जोर्डन र माल्दिभ्सबाट १ सय ६, मेक्सिकोबाट १ सय १२, पोर्चुगलबाट एक सय र श्रीलंकाबाट १ सय २ जना पर्यटक नेपाल भित्रिएका छन् ।

संयुक्त राष्ट्रसंघीय निकायका १ सय १५ जना कर्मचारी समेत सो अवधिमा नेपाल आएको विभागले जनाएको छ ।