अखबार नेपाल ट्रेन्डिङ

काठमाडौं: हाल देशमा पश्चिमी वायुको सामान्य प्रभाव रहेको छ । यतिबेला आज देशका पहाडी भू-भागको मौसममा आंशिक बदली छ । तराईका धेरै स्थानमा अहिले हुस्सु र कुहिरो लागेको छ । हुस्सु र कुहिरोको कारण तराई मधेसको जनजीवन प्रभावित बनेको छ ।

देशका बाँकी भू-भागको मौसम भने अहिले मूख्यतया सफा रहेको मौसम पूर्वानुमान महाशाखाले जनाएको छ । महाशाखाले बुधबार बिहान ६ बजे आगामी २४ घण्टाका लागि चेतावनी तथा परामर्श जारी गरेको छ । जसमा भनिएको छ, ‘बिहानको समयमा तराई तथा उपत्यका केही स्थानमा हुस्सु र कुहिरोको सम्भावना रहेकोले दैनिक जनजीवन, स्वास्थ्य, यातायात तथा हवाई उड्डयनमा क्षणिक/आंशिक असर पर्न सक्ने हुनाले आवश्यक सतर्कता अपनाउनु हुन अनुरोध छ ।’