रुकुम पश्चिमको चौरजहारी नगरपालिकामा जीप दुर्घटना हुँदा २२ घाइते, ३ जनाको अवस्था गम्भीर
वि.सं.२०८० मंसिर ४ सोमवार १२:२१
सुर्खेत: रुकुम पश्चिमको चौरजहारी नगरपालिका-८, गोइरीज्युलामा बोलेर जीप दुर्घटना हुँदा २२ जना घाइते भएका छन् । लु १ ज २२९७ नम्बर जीप दुर्घटना हुँदा जीपमा सवार २२ जना घाइते भएका छन् ।
जीप सडकबाट खसेर भेरी नदी नजिकै पुगेको छ । क्षमताभन्दा बढी यात्रु बोकेका कारण जीप दुर्घटना भएको हुन सक्ने जिल्ला प्रहरी कार्यालय रुकुम पश्चिमले जनाएको छ । सबै घाइतेहरूलाई चौरजहारी मिसन अस्पतालमा पुर्याइएको छ । प्रहरीका अनुसार घाइतेमध्ये ३ जनाको अवस्था गम्भीर रहेको छ भने ९ जनाको अवस्था मध्यम र १० जनाको अवस्था सामान्य रहेको प्रहरीले जानकारी दिएको छ ।
वि.सं.२०८० मंसिर ४ सोमवार १२:२१