अखबार नेपाल ट्रेन्डिङ

काठमाडौं: नेकपा एमाले बागमती प्रदेश कमिटीको अध्यक्षमा कैलाश ढुंगेल भारी मतान्तरले निर्वाचित भएका छन् । निर्वाचन कार्यालयले सार्वजनिक गरेको मतगणनाको अन्तिम परिणाम अनुसार ढुंगेलले ६९६ मत प्राप्त गर्दा उनका निकटम् प्रतिस्पर्धी कृष्णप्रसाद दाहालले ४३९ मत प्राप्त गरे ।

यसैगरी उपाध्यक्षमा दावादोर्जे लामा निर्वाचित भएका छन् । लामाले ६१५ मत प्राप्त गर्दा उनका निकटम प्रतिस्पर्धी ईश्वरचन्द्र पोखरेलले २२१ मत मात्र प्राप्त गरे । सचिवमा १ मतले नवराज सिलवाल निर्वाचित भएका छन् । सिलवालले ५६८ मत प्राप्त गर्दा उनका निकटम प्रतिस्पर्धी हस्तबहादुर पण्डितले ५६७ मत प्राप्त गरे ।

यसैगरी उपसचिवद्वयमा प्रेम कुमार महर्जन र भक्तकुमारी लामा विजयी भएका हुन् । खुल्लामा महर्जनले ३६७ मत प्राप्त गर्दा उनका निकटम प्रतिस्पर्धी टासी लामाले २३२ मत प्राप्त गरे । महिलामा लामाले ५९९ मत प्राप्त गर्दा उनका निकटम प्रतिस्पर्धी रिता गौतम ढकालले ५३६ मत प्राप्त गरिन् ।

शीर्ष नेताहरुले सहमतिबाट नेतृत्व चयन गर्ने प्रयास गरेपछि असफल भएपछि शुक्रबार दिउँसो विद्युतीय मेसिनमार्फत् पार्टी कार्यालय च्यासलस्थित तुल्सीलाल स्मृति भवनमामतदान भएको थियो । निर्वाचनमा ११३५ जना प्रतिनिधिले मतदान गरेका थिए ।