अखबार नेपाल ट्रेन्डिङ

काठमाडौं: नेपाली कांग्रेस संसदीय बोर्डको बैठकले प्रतिनिधि सभा र प्रदेश सभातर्फ केही उम्मेदवारको केही ठाउँमा टिकटको टुंगो लगाएको जानकारी दिएको छ ।

जसमा सभापति शेरबहादुर देउवा लगायतका उम्मेदवारहरु  रहेका छन् । प्रधानमन्त्री तथा कांग्रेस सभापति देउवाले डडेल्धुराबाट टिकट पाएका छन् ।

यस्तै दार्चुलामा दिलेन्द्र बडू, बाजुरामा बद्रीप्रसाद पाण्डे, अछाम २ मा पुष्प शाह, मुगुमा ऐनबहादुर शाही, मनाङमा टेकप्रसाद गुरुङ, तेह्रथुममा सीता गुरुङ र धनकुटामा सुनिल थापा लगायतका उम्मेदवार टुंगो लगाइएको कांग्रेसले जनाएको छ ।

यस्तै, प्रदेश सभातर्फ जुम्ला (ख)मा ललितजंग शाही, तेह्रथुम (क)मा सन्तोस सुब्बा र ताप्लेजुङ (ख)मा सिंह वाङवाङ लगायतका उम्मेदवार टुंगो लगाइएको छ ।