बालेनको बाटोमा कसले लगायो ब्रेकर ?
वि.सं.२०७९ भदौ २ बिहीवार १३:१६
काठमाडौं: अहिले काठमाडौं उपत्यकाको फोहोर सिसडोल ल्याण्डफिल्डमा फाल्नमा त्यहि कै स्थानीयहरुले अवरोध गरिरहेका छन् ।
महानगरको मुहार फेर्न भनेर काठमाडौ महानगरपालिकाको मेयर बन्न आएका बालेन्द्र साहको काममा अहिले दैनिक अवरोधहरु सिर्जना भईरहेको छ ।
काठमाडौंको सडकमा फोहोरको उरुङ लाग्दा र दुर्गन्ध फैलिदा समेत बालेनले फोहोर ब्यवस्थापन गर्न सकिरहेका छैनन् । जसका कारण अहिले बालेनको कामलाई लिएर विभिन्न खालको कटाक्ष हुने गरेको छ ।
अहिले बालेनको अनुहारमा कुनै चमक देखिएको छैन । उनले काठमाडौंको फोहोरमैलाकै कारण अन्य कामलाई अगाडी बढाउन सकिरहेका छैनन् । उनको काममा राजनीतिक पार्टीले ब्रेकरको काम गरिरहेको कुरा पनि अहिले उठिरहेको छ ।
यस्तो अवस्थामा बालेनलाई एउटा खुसी भने थपिएको काठमाडौंको टेकुस्थित फोहोर ट्रान्स्फर स्टेसनमा थुप्रिएको फोहोर बञ्चरेडाँडासम्म लैजानको लागि नेपाल ट्रिपर तथा ट्रक व्यवसायी समितिले सहयोग गरेको छ ।
महानगरपालिकाका अनुसार विहान नेपाल ट्रिपर तथा ट्रक व्यवसायी समितिका १८ वटा, समानान्तर निर्माण सेवाका ३० वटा महानगरका १२ वटा गरी ६० वटा ट्रीपरले ट्रान्सफर स्टेसनबाट फोहोर ढुवानी गरेका छन् ।
समितिले उपलब्ध गराएका ट्रिपरलाई महानगरले हरेक ट्रिपका लागि २३ लिटर डिजेल र श्रमिकलाई एक दिनको १ हजार रुपैयाँ पारिश्रमिक उपलब्ध गराउनेछ ।
बालेनको काममा हातेमालो गरेपछि स्थानीयबासीहरु पनि खुशी भएका छन् । उनीहरुले आफ्नो क्षेत्रमा थुप्रिएको फोहोर उठ्न थालेपछि बालेनको यो कदमलाई प्रशंसा समेत गर्न थालेका छन् ।
वि.सं.२०७९ भदौ २ बिहीवार १३:१६