अखबार नेपाल ट्रेन्डिङ

वीरगञ्ज: समाजवादी पार्टी नेपालका अध्यक्ष उपेन्द्र यादवले सरकारमा र संविधान संशोधनको सम्झौताका लागि आफूहरु निरन्तर रुपमै संघर्ष मै रहेको बताएका छन् ।

सोमबार वीरगञ्जमा आयोजित प्रादेशीक अभिमुखिकरण कार्यक्रममा बोल्दै उपप्रधान एवम स्वास्थ्यमन्त्री समेत रहेका यादवले आफूहरुको समस्या संसद र संविधानबाट संशोधन नगरिए सडकबाट संघर्ष गर्ने चेतावनी दिएका छन् ।

त्यस्तै, पार्टीका अर्का अध्यक्ष डा. बाबुराम भट्टराईले देशमा समृद्धि र शान्तिका लागि, मेलमिलाप, विभेद रहित समाजको निर्माणका लागि, समान अधिकार, समावेशिताका लागि संविधान संशोधन एक मात्र विकल्प रहेको बताएका छन । उनले शासक वर्गले संघीय प्रणालीलाई नै बदनाम गरेर संघीयता र गणतन्त्र समाप्त पार्ने षडयन्त्र गरिरहेको बताए ।

कार्यक्रममा समाजवादी पार्टी नेपालका वरिष्ठ नेता अशोक राई, राजेन्द्र श्रेष्ठ, दुई नम्बर प्रदेशका मुख्यमन्त्री लालबाबु राउत लगायतले आफ्नो भनाई राखेका थिए ।