अखबार नेपाल ट्रेन्डिङ

काठमाडौं: बागबजारस्थित काठमाडौं मोडल कलेजका एक विद्यार्थीको कलेजमै मृत्यु भएको छ ।

कलेजको होस्टेलमा बस्दै आएका रौतहटका १८ वर्षीय सुशील सहनी सोमबार दिउँसो नुहाउने क्रममा बाथरूममै बेहोस भएका थिए ।

महानगरीय प्रहरी परिसर काठमाडौंका प्रहरी उपरीक्षक (एसपी) दिनेशराज मैनालीका अनुसार दिउँसो ३-४ बजेतिर अस्पताल लगिएको थियो ।

अस्पतालले सहनीलाई मृत घोषणा गरेको थियो ।

प्रहरी उपरीक्षक मैनालीले ग्यास गिजरमा पानी तताएर नुहाउन खोज्दा भेन्टिलेसनको कमीले सहनी बेहोस भएको हुन सक्ने बताए ।

जाडो मौसममा नुहाउन बाथरूमभित्र मात्रै होइन, कोठा तताउन बालिएको हिटरको कारणले पनि निसास्सिएर मृत्यु हुने गरेको छ ।