अखबार नेपाल ट्रेन्डिङ

काठमाडौं: नेपालसहित अन्य १६ मुलुकका लागि दक्षिण कोरियाको प्रवासी श्रमिक कोटा निर्धारण समितिको बुधबार बसेको बैठकले सन् २०२१ लागि इपिएस अन्तर्गत लैजाने प्रवासी श्रमिकको कोटा ५२ हजार निर्धारण गरेको छ ।

कोरोनाका कारण २०२० को कोटामध्येका ३० हजार ९ सय ९ प्रवासी श्रमिक कोरिया जान पाएका छैनन् । सन् २०२१ मा तोकिएको ५२ हजारमध्ये उत्पादन क्षेत्रमा ३७ हजार ७ सय, कृषि क्षेत्रमा छ हजार ४ सय, मत्स्यपालन क्षेत्रमा तीन हजार, निर्माण क्षेत्रमा एक हजार ८ सय, सेवा क्षेत्रमा एक सय जना तोकिएको छ ।

अप्रिलसम्ममा २२ हजारको रोजगार अनुमतिपत्र जारी गरिने भनिएको छ ।