अखबार नेपाल ट्रेन्डिङ

काठमाडौं: फागुपूर्णिमाका अवसरमा काठमाडौं ट्राफिक नियम उल्लंघन गरी सवारी चलाउने ७ सय भन्दा बढीलाई ट्राफिक प्रहरीले कारवाही गरेको छ ।

महानगरिय ट्राफिक प्रहरी महाशाखाले दिएको जानकारी अनुसार दिनभरमा ७ सय भन्दा बढी सवारी चालक कारबाहीमा परेका हुन् । कारबाही पर्नेमा सबै भन्दा बढी आवश्यक कागजात नबोकी सवारी चलाउने तीन सय ८ जना रहेका छन् ।

त्यसै गरी मादक पदार्थ सेवन गरी सवारी साधन चलाउने ६७ जना, तीन जना राखेर बाईक चलाउने ७१ जना, हेल्मेट नलगाउने २६ जना पनि कारबाहीमा परेको प्रहरीले जनाएको छ । लापरबाही पूर्वक तीव्र गतिमा सवारी साधन चलाउने ३४ जनालाई पनि ट्राफिक प्रहरीले कारबाही गरेको छ ।

बिना पास बिदाको दिनमा सरकारी सवारी साधन चलाउने २२ जना चालक पनि कारबाहीमा परेका छन् । बिगतका बर्षमा भन्दा यस वर्ष मापसे गरि सवारी चलाउनेको दर बढी रहेको प्रहरीले जनाएको छ ।