अखबार नेपाल ट्रेन्डिङ

काठमाडौं: विश्वकप छनोटको रुपमा रहेको आईसीसी विश्वकप क्रिकेट लिग-२ को दोस्रो खेलमा नेपालले आज अमेरिकासँग खेल्दैछ । त्रिवि क्रिकेट मैदानमा हुने खेलमा नेपाल र अमेरिका त्रिकोणात्मक सिरिजमा पहिलो जितको खोजीमा मैदान उत्रने छन् ।

नेपाल र अमेरिका पहिलो खेलमा ओमानसँग पराजित भएका थिए । पहिलो खेलमा नेपाल ओमानसँग १८ रनले पराजित भएको थियो भने अमेरिकालाई ओमानले ६ विकेटले पराजित गरेको थियो । लिग अन्तर्गत अमेरिका शीर्ष स्थानमा रहेको छ । उसले ९ खेलमा ६ जित हात पार्दै १२ अंकका साथ नेट रन रेटमा ओमानलाई पछि पारेको छ । नेपाल भने एक खेल खेल्दा अंक विहीन रहँदै तालिकाको पुछारबाट दोस्रो स्थानमा रहेको छ । त्यसैले यो खेल नेपालका लागि प्रतिण्ठासँग जोडिएको खेलपनि रहेको छ ।

यो प्रतियोगितामा सबै भन्दा रमाईलो खेलका रुपमा हेरिएको अमेरीका र नेपालको खेल सबै दर्शकले कुरेर बसेका छन । नेपालले आज अमेरीका विरुद्धको खेलमा जित निकाल्दै फेरी कमब्याक गर्ने योजनामा रहेको छ । एसोसियट क्रिकेटमा नेपाल र अमेरीका चिरप्रतिद्धन्द्धी हुन ।