अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग अन्तर्गत आज तीन खेलहरु हुँदैछन् । पहिलो खेल हिमालयन शेर्पा र च्यासल युथ क्लब बिच हुनेछ भने भने दोस्रो खेलमा साविक बिजेता मनाङ र न्यरोड टिम एनआरटी तथा जाउला खेल युथ क्लब र फ्रेण्डस् बिच प्रतिस्पर्धा हुनेछ ।

हिमालयन शेर्पा रेलिगेसनको दबाबमा छ । उसले एउटा मात्र खेल जित्न सफल भएको छ । चार बराबरी र पाँच हार खेलेको शेर्पाको सात अंक छ । रेलिगेसन जोनभन्दा दुई अंकले मात्र माथि रहेको हिमालयन शेर्पा क्लबलाई आजको जित निकै महत्वपूर्ण छ । च्यासलसँग जित निकाले शेर्पा क्लब एघारौं स्थानमा उक्लिनेछ । च्यासल भने रेलिगेसन जोनबाट माथि छ । च्यासल १० खेलबाट १२ अंक बनाउँदै दशौं स्थानमा छ । उसले तीन जित, तीन बराबरी र चार हारको नतिजा निकालेको छ ।

दोस्रो खेलमा फ्रेण्ड्स र जावलाखेल युथ क्लब प्रतिष्पर्धा गर्दैछन् । लिगमा जावलाखेल १४ अंक बनाउँदै सातौं स्थानमा छ । उसले १० खेलमा चार जित, तीन बराबरी र तीन हारको नतिजा निकालेको छ । आज फ्रेण्ड्सलाई हराउन सकेमा जावलाखेलको सुपर सिक्समा रहेको लिग टुंगाउने सम्भावना बलियो हुनेछ । १४ अंक सहित नवौं स्थानमा रहेको फ्रेण्ड्स पनि जावलाखेललाई हराउँदै सुपर सिक्समा पुग्न चाहन्छ ।

आजै तीन बजे हल्चोक मैदानमा हुने मनाङ मस्र्याङ्दी क्लब र न्यूरोड टिम एनआरटीबीचको खेलमा सर्वाधिक चासो रहनेछ । उपाधि रक्षाको अभियानमा रहेको मनाङ फ्रेण्ड्सलाई हराएर तेस्रो स्थानमा उक्लिन चाहन्छ । जित निकाले मनाङलाई उपाधिको आशा पनि कायम राख्न सहयोग गर्नेछ । मनाङले १० खेलमा पाँच जित, चार बराबरी र एक हारको नतिजा निकाल्दै १९ अंक बनाएको छ । आजको खेलमा पराजय वा बराबरी भएको खण्डमा मनाङ मस्र्याङ्दी उपाधि होडबाट आधिकारिक रुपमा बाहिरिनेछ । छैटौं स्थानमा रहेको एनआरटीलाई भने सुपर सिक्समा कायम रहनका लागि मनाङलाई हराउनु जरुरी छ ।