अखबार नेपाल ट्रेन्डिङ

काठमाडौं: सिन्धुपाल्चोकको पाँचपोखरी थाङपाल गाउपालिका तिपेनिमा गएर राति साँढे एक बजे अज्ञात समूहले प्रहरी चौकीमा आक्रमण गरेका छन् । आक्रमणबाट चौकीमा कार्यारत असाइ सन्तोष कुमार झा र हवाल्दार हरिबहादुर रानामगर गम्भीर घाइते भएको जिल्ला प्रहरी कार्यालयका प्रहरी निरीक्षक रामचन्द्र घिमिरेले जानकारी दिएका छन् ।

प्रहरीले अहिले चार वटा मोटरसाइकल र एक जनालाई नियन्त्रणमा लिएको जनाएको छ भने आक्रमण गर्ने अन्य समुह फरार रहेका छन । प्रहरीले आत्मरक्षाको लागि चार राउण्ड हवाइ फायर गरेको बताईएको छ । गम्भीर घाईते असई सन्तोष कुमार झालाई थप उपचारको लागि काठमाडौं ल्याईएको छ भने हवलदार हरिबहादुर रानामगरको प्राथमिक स्वास्थ केन्द्र, मेलम्चीमा उपचार भईरहेको छ । आक्रमणमा संलग्गन मध्ये एक जना र चार मोटरसाइकाल नियन्त्रणमा लिएको प्रहरी निरीक्षक घिमिरेले जानकारी दिएका छन् ।

पक्राउ पर्नेमा मेलम्ची नपा-८ का सन्तोष तामाङ रहेका छन् । घटना लगतै इलाका प्रहरी कार्यालयबाट प्रहरी निरीक्षकको कमाण्डमा थप मद्दतका लागि तिपेनीमा गएको छ भने जिल्ला प्रहरी प्रमुख एसपी प्रज्वल महर्जन पनि गएराती नै घटनास्थलमा पुग्नुभएको छ । प्रहरी चौकीमा किन आक्रमण गरियो भन्ने अहिलेसम्म थाहा हुन सकेको छैन । प्रहरीले अनुसन्धान सुरु गरेको छ । हाल सो चौकीमा पाँच जना प्रहरी कार्यरत छन् ।