अखबार नेपाल ट्रेन्डिङ

पोखरा: पोखरामा आजदेखि सुरु हुने भनिएको दोस्रो संस्करणको पोखरा प्रिमियर लिग टी-ट्वान्टी क्रिकेट प्रतियोगिता वर्षाको कारण एक दिन पर सरेको छ । वर्षाको कारण एक दिन पर सारेर आइतबारदेखि प्रतियोगिता शुरु गरिने आयोजक क्विन्स इभेन्ट मेनेजमेन्ट प्रालिले जनाएको छ ।

यसैबिच एक कार्यक्रमकाबीच ट्रफी सार्वजनिक गरिएको छ । मुख्यमन्त्री पृथ्वीसुब्बा गुरुङले टी-ट्वान्टी क्रिकेट प्रतियोगिताको ट्रफी सर्वाजनिक गर्दै पोखरालाई खेल पर्यटनको रुपमा विकास गर्ने प्रदेश सरकारको योजना रहेको बताए । लिगमा नेपालका ६ फ्रेञ्चाइज टिमको सहभागिता रहने छ । विराटनगर टाइटन्स, पोखरा पल्टन, बुटवल ब्लास्टर्स, चितवन राइनोज, काठमाडौं गोल्डेन वारीयर्स र धनगढी ब्लुज प्रतियोगितामा भिड्ने छन् ।

प्रतियोगिताको विजेतालाई २७ लाख रुपैयाँ प्रदान गरिने छ भने उपविजेताले १० लाख रुपैयाँ पाउँने छन् । लिग सिंगल राउण्ड रोबिनको आधारमा संचालन हुने छ । हरेक टिमले एक अर्कासंग ५ खेल खेल्ने छन् । उद्घाटन खेल साविकको विजेता पोखरा पल्टन र काठमाण्डौं गोल्डेन बिच हुने छ ।