अखबार नेपाल ट्रेन्डिङ

एजेन्सी: एट्लेटिको मड्रिड युरोपेली च्याम्पियन्स लिगको नकआउट चरणमा प्रवेश गरेको छ । समूह चरणको अन्तिम खेलमा जित्नै पर्ने दबाबका साथ मैदानमा उत्रिएको डिएगो सिमोनीको टिमले अर्को खेलको नतिजामा भर पर्नुपर्ने अवस्था थियो ।

खेलको दोस्रो मिनेटमै एट्लेटिकोले पेनाल्टी पाएको थियो । किरन ट्रिपियरले पहार गरेको पेनाल्टी मस्कोका गोलकिपरले बचाएका थिए । १७औं मिनेटमा पाएको अर्को पेनाल्टीलाई हाओ फिलिक्सले गोलमा परिणत गरे । त्यसपछि ५४औं मिनेटमा फिलिपेले गोल गर्दै एटेलेटिको मड्रिडलाई २-० गोल अन्तरले जित दिलाए । जितसँगै एट्लेटिकोले समूहमा १० अंक बनाउँदै समूहको उपविजेता बनेको छ ।

समूह ‘बी’ बाट इटालियन क्लब युभेन्टस विजेताका रुपमा नकआउट चरणमा प्रवेश गरेको छ । यसअघि नै नकआउट चरणमा स्थान बनाइसकेको युभेन्टसले समूह चरणको अन्तिम खेलमा जर्मन क्लब बायर लिभरकुसेनलाई २–० ले हरायो । युभेन्टसको जितमा रोनाल्डो र हिग्वेनले एक एक गोल गरे । पहिलो हाफ गोलरहित बनेको खेलको ७५औं मिनेटमा रोनाल्डोले पाउलो डिबालाको पासमा गोल गर्दै युभेन्टसलाई अग्रता दिलाए । इन्ज्युरी समयमा हिग्वेनले गोल गर्दै युभेन्टसलाई सहज जित दिलाए ।