अखबार नेपाल ट्रेन्डिङ

काठमाडौं: नेशनल बक्स अफिस म्यूजिक भिडियो अवार्डको अवसरमा बक्स अफिस इन्टरनेशनल ग्रुपद्वारा आयोजित मैत्रीपूर्ण फुटबल प्रतियोगिता सम्पन्न भएको छ । तीन टोलीको सहभागिता रहेको खेलमा  बक्स अफिस ‘बी’ विजयी भएको छ ।

नेपाल प्रहरी तालिम केन्द्र महाराजगञ्जमा सम्पन्न मैत्रीपूर्ण खेलमा बक्स अफिस ‘बी’ ले बक्स अफिस ‘ए’ लाई ७-२ गोल अन्तरले पराजित गरेको हो । जितका लागि शैलेश महतरा, लाक्पा शेर्पा, श्रीजन थापा मगरले गोल गरेका थिए । खेलको अन्त्यतिर उत्कृष्ट खेल पस्कदै गर्दा डिबक्सभित्र सिद्धर्थ क्षेत्रीले खेम दुरालाई खतरनाक फाउल गरेपछि पाएको पेनाल्टीको अवसरलाई सदुपयोग गर्दै बक्स अफिस ‘बी’ का खेम दुराले उत्कृष्ट गोल गर्दै खेल ७-२ गोल अन्तरले जित सुनिश्चित गरे । बक्स अफिस ‘ए’ का लागि ईश्वर चौलागाई र प्रकाश खड्काले गोल गरेका थिए ।

त्यसैगरी मैत्रीपूर्ण खेलको पहिलो खेलमा भने बक्स अफिस ‘बी’ अजय एफसीसँग पराजित भएको थियो । सो खेलमा बक्स अफिस ‘बी’ का स्ट्राईकरहरु विजय थापा र भुवन श्रेष्ठको तालमेल नमिल्दा गोल गर्नबाट चुकेका थिए । सोको फाईदा उठाउँदै अजय एफसीले खेल आफ्नो पक्षमा पार्न सफल भयो ।

स्वास्थ्यका लागि खेलकुद र आपसी भाइचारा र स्थायित्व सम्बन्ध मजबुद बनाउनका लागि बक्स अफिस इन्टरनेशनल ग्रुपले हरेक महिनाको एक शनिबार ११ साईड तथा हरेक महिनाको ३ शनिबार ७ ए साईड मैत्रीपूर्ण फुटसल खेलाउँदै आएको अध्यक्ष आरके सुवेदीले जानकारी दिए । अर्को मैत्रीपूर्ण खेल सातदोबाटोस्थित एन्फा कम्प्लेक्समा हुने समेत सुवेदीले जानकारी गराए ।

BOX OFFICE TEAM (A)

बिजय रिमाल, संकर खड्का, सिधार्थ  क्षेत्री, रोहित तितुङ, अमर  खत्री, विशाल  चौलागाईं, फलित  राई, आर के सुवेदी, इस्वर चौलागाईं, सागर मगर, सुर्य खड्का, प्रकाश खड्का

BOX OFFICE TEAM (B)

विजय थापा, भुवन श्रेष्ठ, खेम दुरा, सुबास मुखिया सुनुवार, सुजन लामा, सुक्र तामाङ, रोशन थापा मगर, सुनिल थापा मगर, महेश मुखिया सुनुवार, सृजन थापा मगर, ईनिस एञ्जल राई, सोहन लामा, विप्लव कटुवाल, लाक्पा शेर्पा, शैलेश महतरा