अखबार नेपाल ट्रेन्डिङ

काठमाडौं: आइसिसी महिला टी-२० विश्वकप एसियाली क्षेत्रको छनोट प्रतियोगिता शुक्रबारदेखि थाईल्याण्डमा सुरु हुँदैछ । प्रतियोगिताको पहिलो दिन नेपालले हङकङसँग प्रतिस्पर्धा गर्दैछ ।

बैंककको एसियन इन्स्टिच्युट अफ टेक्नोलोजी ग्राउन्डमा हुने खेलमा बिहान ८:१५ बजेबाट सुरु हुनेछ । यी दुईबीच अहिलेसम्म पाँच खेल भएका छन् । ती मध्ये दुई खेल हङकङ र दुई खेलमा नेपाल विजयी भएको छ । एक खेल भने रद्द भएको छ ।  यो वर्ष नेपाल र हङकङ तीन खेलमा आमुन्नेसामुन्ने भएका थिए । युगान्डामा भएको चार देशिय सिरिजको पहिलो खेलमा हङकङले नेपाललाई दुई रनले पराजित गरेको थियो । अर्को खेलमा भने नेपालले ६ विकेटको जित निकालेको थियो । अर्को खेल भने रद्द भएको थियो ।

नेपाल प्रतियोगिताको समूह ‘सी’ मा परेको छ । उक्त समूहमा नेपाल र हङकङका अतिरिक्त बहराइन पनि छ । उक्त समूहमा रहेका तीन वटै टोलीले एक अर्कासँग २/२ खेल खेल्नेछन् । नेपाली टोलीले आफ्नो दोस्रो खेल शनिबार बहराइनसँग खेल्नेछ ।

नेपालको समूह चरणका खेलहरु

बैशाख २७ गते शनिबार १० मे बहराइनविरुद्ध

बैशाख ३० गते मंगलबार १३ मे हङकङविरुद्ध

जेठ १ गते बिहीबार १५ मे बहराइनविरुद्ध

नेपाली टोली

इन्दु वर्मा (कप्तान), पूजा महतो (उप(कप्तान), बिन्दु रावल, राजमती ऐरी, कविता कुँवर, मनीषा उपाध्याय, कविता जोशी, रुबी पोद्दार, सबनम राई, रिया शर्मा, रुबिना छेत्री, सम्झना खड्का, रोमा थापा, ईश्वरी बिस्ट