अखबार नेपाल ट्रेन्डिङ

काठमाडौं: सेन्ट्रल एसियन भलिबल एसोसिएसन (काभा) पुरुष भलिबल क्लब च्याम्पियनसिप अन्तर्गत आज सेमिफाईनलका खेलहरु हुनेछन् । खेल त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा पहिलो सेमिफाईनल खेल दिउँसो २:३० बजे इरान क्लव यु-१८ र भारतीय क्लब क्यालिकट हिरोजबीच हुनेछ भने टिपटप हेल्प नेपाल स्पोर्टस क्लब र माल्दिभ्सको क्लब एचडिसीबीचको दोस्रो सेमिफाइनल साँझ ५ बजे सुरु हुनेछ ।

भारतको क्यालिकट हिरोजसँग बिहीबार सोझो सेटको हार बेहोर्दै नेपालको गण्डकी प्रदेश भलिबल संघ काभा मेन्स भलिबल क्लब च्याम्पियनसिपको समूह चरणबाट बाहिरयो । लिगको शीर्ष स्थानमा रहेको इरान यु-१९ ले तेस्रो स्थानको क्यालिकटसँग तथा दोस्रो स्थानको नेपालको टिपटप हेल्प नेपाल स्पोर्टस क्लबले चौथो स्थानको माल्दिभ्सको क्लब एचडिसीसँग सेमिफाइनल खेल्ने तय भएको हो ।

लिगको अन्तिम खेलमा सेमिफाइनल प्रवेश गरिसकको क्यालिकट विरुद्ध ३ अंक निकालेको भए गण्डकी सेमिफाइनलमा पुग्ने थियो । तर गण्डकीले कमजोर प्रदर्शन गर्यो । क्यालिकटले २५-२२, २५-१९ र २५-१५ को अत्यन्त सहज नतिजामा गण्डकीलाई पराजित गर्यो । गण्डकी सोझो सेटमा हार्दा माल्दिभ्सको क्लब एचडिसीले अन्तिम चारमा स्थान सुरक्षित गर्यो । अपराजित इरान यु-१८ ले १०, हेल्प नेपाल ८ अंक, क्यालिकटले ७ र र क्लब एचडिसीले ५ अं जोड्यो । सबै खेल हारेको गण्डकी २ अंक बटुल्यो ।