अखबार नेपाल ट्रेन्डिङ

काठमाडौं: नेपाल प्रिमियर लिग (एनपिएल) अन्तर्गत सुपर ओभरमा विराटनगर माथि पोखरा एभेन्जर्स विजयी भएको छ । पहिलो पटक बराबरी खेलेका यी दुई टीमबीचको खेलमा पोखराका रायमोन रिफायरले सुपर ओभरबाट जित दिलाएका हुन् ।

सुपर ओभरका लागि पोखरा पहिला ब्याटिङमा उत्रिएको थियो । ५ बल खेलेका रायमोन रिफायरले एक चौका र दुई छक्का प्रहार गरे । पोखराका अर्का ब्याटरले एन्ड्रिज गौसले १ बलमा १ रन जोडे । सुपर ओभरमा विराटनगरका कप्तान सन्दीप लामिछानेले विकेट लिन सकेनन् ।

एन्ड्रिज गौसले तेस्रो बलमा रन नलिएका उनले चौथोमा चौका तथा पाँचौँ र छैटौँमा १/१ रनसहित जम्मा १८ रन बनाउन सफल भए । सुपरओभरमा १८ रनको लक्ष्य विराटनगर किङ्सले पूरा गर्न सकेन । विराटनगरका लागि मार्टिन गप्टिल र निकोलाश किर्टनले सुपर ओभरको तीन बलमा तीन रन मात्रै हाने । चौथो बल डट रहँदा पाँचौँ बलमा १ रन आयो । छैटौँ बल वाइड हुँदा विराटनगरले थप एक रन जोड्यो । अन्तिम बलमा १ रन मात्रै ल्याएपछि पोखराले सुपरओभरमा विराटनगरलाई हराउन सफल भयो ।

यसअघि टस जितेर पहिला ब्याटिङ रोजेको विराटनगरले १४० रनको लक्ष्य प्रस्तुत गरेको थियो । विराटनगरले निर्धारित २० ओभरमा ७ विकेटको क्षतिमा १३९ रन जोडेको थियो । जवाफी ब्याटिङमा उत्रिएको पोखराले निर्धारित २० ओभरमा ६ विकेटको क्षतिमा १३९ रन जोडेको थियो । यो एनपीएलको पहिलो टाइ म्याच सुपरओभरमा जाँदा पोखराले बाजी मारेको हो ।