अखबार नेपाल ट्रेन्डिङ

काठमाडौं: सिद्धार्थ बैंक नेपाल प्रिमियर लिग (एनपिएल) मा आज दुई हुदैछन् । पोखरा एभेन्जर्स र जनकपुर बोल्ट्स तथा काठमाडौं गुर्खाज र सुदूरपश्चिम रोयल्सबीच खेल हुँदैछ ।

आजको पहिलो खेलमा पोखरा एभेन्जर्स र जनकपुर बोल्ट्सबीच हुनेछ । खेल कीर्तिपुरमा रहेको टियु क्रिकेट मैदानमा बिहान ९ बजे पछि सुरु हुनेछ । पोखरा पहिलो खेलमा पराजित भएकाले यस खेलमा जितका साथ प्रतियोगितामा पहिलो जित हात पार्न चाहान्छन् । पोखरा पहिलो खेलमा चितवन राइनोजसँग ८७ रनले पराजित भएको थियो ।

सुरुवाती दुवै खेलमा जित हासिल गरेको जनकपुर यस खेलमा पनि जितको लयलाई निरन्तरता दिन चाहन्छ । जनकपुरले पहिलो खेलमा विराटनगर किंग्स तथा दोस्रो खेलमा कर्णाली याक्सलाई समान ८ विकेटले हराएको थियो । पोखरा कुशल भुर्तेलको कप्तानीमा रहँदा जनकपुर अनिल शाहको कप्तानीमा रहेको छ ।

आजै हुने दोस्रो खेलमा काठमाडौं गुर्खाज र सुदूरपश्चिम रोयल्सबीच खेल हुदैछ । टियु क्रिकेट मैदान कीर्तिपुरमा हुने खेल दिउँसो १ बजेबाट सुरु हुनेछ । एक खेलमा जित एकमा हार व्यहोरेको काठमाडौं बलियो टोली सुदूरपश्चिमलाई हराएर जितको लयलाई निरन्तरता दिन चाहन्छ । सुरुवाती खेलबाटै जितको लयलाई निरन्तरता दिएको सुदूरपश्चिम पनि जितको यात्रालाई निरन्तरता दिन चाहन्छ ।