अखबार नेपाल ट्रेन्डिङ

काठमाडौं: साफ महिला च्याम्पियनसिप अन्तर्गत आज आयोजक नेपाल र भुटानबीच प्रतिष्पर्धा हुँदैछ । यी दुईबीचको खेल दशरथ रङ्गशालामा साँझ ५:३० बजे हुनेछ ।

आजको खेलमा नेपालकी महत्त्वपूर्ण खेलाडी साबित्रा भण्डारी अनुपस्थित हुनेछिन् । फिफा विन्डोमा नपरेको कारण उलाई क्लबले रिलिज नगरेको हो । उनी आईतबार नेपाल आउनेछिन । रेखा पौडेल भने नेपाल आइसकेकी छिन् ।

नेपाल पाँच पटक फाइन खेलिसकेको छ भने भुटान अहिलेसम्म फाइनलमा पुग्न सकेको छैन । सातौं संस्करणको च्याम्पियनसिप जारी रहँदा पहिलो पाँच संस्करण भारतले लगातार जितेको थियो । पछिल्लो संस्करण भने बङ्गलादेशले जितेको थियो ।

अहिलेसम्म मात्र दुई राष्ट्रले साफ च्याम्पियनसिपको उपाधि जितेका छन् । नेपाल पाँच पटक फाइनलमा हारेको पिडा बिर्साउँदै यो पटक च्याम्पियन हुने दाउमा रहेको छ । नेपाल ग्रुप ‘बी’मा भुटान, श्रीलंका र माल्दिभ्ससँग रहेको छ । ग्रुप ‘ए’ मा ५ पटकको च्याम्पियन भारत डिफेन्डिङ च्याम्पियन बङ्गलादेश र पाकिस्तान रहेका छन् ।

हिजो भएको उदघाटन खेलमा भारतले पाकिस्तानलाई ५-२ गोल अन्तरले हराएको थियो । आजै हुने पहिलो खेलमा भने श्रीलंका र माल्दिभ्सबीच प्रतिस्पर्धा हुनेछ । खेल दिउँसो १:३० बजे दशरथ रङ्गशालामा हुनेछ ।