अखबार नेपाल ट्रेन्डिङ

रामेछापः ‘भुजी लिग फुटबल प्रतियोगिता-२०८१’ आजबाट रामेछापको उमाकुण्ड गाउँपालिका-७ भूजीको अमृत घामछायाँ खेल मैदानमा हुँदैछ । उदघाटन खेल दिउँसो २:३० बजे हुने आयोजकले जनाएको छ ।

चार ग्रुपमा विभाजित लिग फुटबल प्रतियोगितामा १४ टोलिको सहभागीता रहेको छ । लिग विजेताले स्वर्ण पदक र रनिङ शिल्ड सहित नगद एक लाख २६ हजार रुपैयाँ प्राप्त गर्नेछ । त्यस्तै लिगको उपविजेताले रजत पदक सहित नगद ६३ हजार २६ रुपैयाँ प्राप्त गर्नेछ भने तृतीय हुने टिमले कास्य पदक सहित नगद ३० हजार २६ रुपैयाँ प्राप्त गर्नेछ । त्यस्तै लिग फुटबल प्रतियोगितामा सहभागी टोलीले  सान्त्वना पुरुस्कार स्वरुप नगद रु. १० हजार २६ रुपैयाँ प्राप्त गर्ने छन् ।

लिग फुटबल प्रतियोगितामा उत्कृष्ट गोल रक्षकलाई ट्रफी, उत्कृष्ट रक्षकलाई ट्रफी, सर्वाधिक गोलकर्तालाई ट्रफी र प्रतियोगिताको उत्कृष्ट खेलाडीले ट्रफी पाउने छन् भने सेमिफाईनदेखि फाईनलसम्मका खेलहरुमा उत्कृष्ट खेलाडि छनौट गरी म्यान अफ दि म्याच घोषित खेलाडिलाई आकर्षक पुरुस्कार प्रदान गरिनेछ ।

उमाकुण्ड गाउँपालिकाको प्रायोजन रहेको प्रतियोगितामा वडा स्तरीय खेलकुद विकास समिति तथा भुजी र लिखु भूजी रामेछाप युवा क्लबको सहआयोजना र उमाकुण्ड गाउँपालिका खेलकुद विकास समितिसँगको समन्वयमा फुटबल क्लब भूजीले प्रतियोगिता आयोजना गर्न लागेको हो ।