अखबार नेपाल ट्रेन्डिङ

काठमाडौं: जारी साफ यू-२० च्याम्पियनसिपको उपाधिका लागि आज नेपाल बंगलादेशबीच प्रतिष्पर्धा हुँदैछ । ललितपुरको सातदोबाटोस्थित एन्फा कम्प्लेक्स मैदानमा खेल दिउँसो २:३० बजे सुरु हुनेछ ।

यसअघि अखिल नेपाल फुटबल संघ (एन्फा)ले च्याम्पियनसिपको फाइनल खेल त्रिपुरेश्वरस्थित दशरथ रगंशालामा हुने बताए पनि मैदान खराब भएकाले एन्फा कम्प्लेक्स मैदानमै हुने भएको जनाएको हो । सेमिफाइनलमा भुटानलाई हराउँदै नेपाल फाइनलमा पुगेको हो । समूह चरणमा बंगलादेशलाई हराउँदै नेपाल समूह विजेताका रूपमा सेमिफाइनलमा प्रवेश गरेको थियो । समूह उपविजेता बंगलादेशले साविक विजेता भारतलाई हराउँदै नेपालसँगको भेट पक्का गरेको हो ।

सन् २०१७ मा भएको साफ यू-१८ को उपाधि जितेयता नेपाल च्याम्पियन बन्न सकेको छैन । यसपटक भने नेपालले घरेलु मैदानमा बंगलादेशलाई हराएर उपाधिको नयाँ इतिहास रच्न चाहन्छ । तर बलियो टोली भारतलाई हराएको बंगलादेश नेपालका लागि सहज भने छैन ।