अखबार नेपाल ट्रेन्डिङ

काठमाडौं: नेपाल सुपर लिग (एनएसएल) फुटबलमा आज काठमाडौं रेजर्स र वीरगञ्ज युनाइटेडबीच प्रतिष्पर्धा हुँदैछ । यी दुई टोलीबीचको खेल ​त्रिपुरेश्वरस्थित दशरथ रंगशालामा बेलुकी ५ बजे हुनेछ ।

तालिकाको पाँचौ स्थानमा रहेको काठमाडौं प्लेअफको सम्भावना कायम राख्न यो खेलमा जित्नुपर्ने दबाबमा छ । अंक तालिकाको अन्तिम स्थानमा रहेको वीरगञ्ज सान्त्वना जितको खोजीमा हुनेछ ।

जारी प्रतियोगितामा ७ खेलबाट १४ अंक जोड्दै शीर्ष स्थानमा रहेको पोखरा थण्डर्सले प्लेअफमा स्थान बनाइसकेको छ । यसअघि बुधबारको खेलमा धनगढीलाई २-० गोलले पराजित गर्दै झापा एफसीले पनि प्लेअफको सम्भावना जीवित राखेको छ ।  झापा ७ खेलबाट १० अंकसहित चौथो स्थानमा उक्लिएको छ ।