अखबार नेपाल ट्रेन्डिङ

काठमाडौं: काठमाडौंमा जारी साफ यू-१९ च्याम्पियनसिप अन्तर्गत आज सेमिफाइनल पुग्न घरेलु टोली नेपालले माल्दिभ्ससँग खेल्दै छ । यी दुईबीचको खेल दिउँसो १:३० बजे दशरथ रंगाशालामा सुरु हुनेछ ।

दशरथ रंगशालामा शनिबार माल्दिभ्स र पाकिस्तानबीचको खेल १-१ को बराबरीमा सकिएसँगै नेपालका लागि अन्तिम चारमा पुग्न आजको खेल जित्नै पर्ने दवावमा रहेको छ ।

नेपाल पहिलो खेलमा बिहीबार पाकिस्तानसँग १-० ले पराजित भएको थियो । समूह ‘ए’ बाट पाकिस्तान २ खेलमा ५ अंकका साथ सेमिफाइनलमा पुगिसकेको छ । नेपाल विजयी भएमा सेमिफाइनलमा पुग्नेछ । पराजित भएमा वा बराबरी खेलेको अवस्था नेपाल बाहिरिने छ माल्दिभ्स सेमिफाइनलमा पुग्नेछ ।

समूह ‘बी’ मा बंगलादेश, भुटान र भारत छन् । समूह ‘बी’ मा पहिलो खेलमा भारतले बंगलादेशलाई ३-० ले हराएको थियो । भुटानले बंगलादेशलाई ४-३ को गोल अन्तरले हराएको थियो ।

भारत र भुटान सेमिफाइनल पुगिसकेका छन् । समूहका शीर्ष दुई टोली सेमिफाइनल खेल्नेछन् । सेमिफाइनल बुधबार र फाइनल शनिबार हुनेछ ।