अखबार नेपाल ट्रेन्डिङ

एजेन्सी: ईङ्ग्लिस प्रिमियर लिग फुटबलमा साविकको विजेता म्यानचेस्टर सिटीले फराकिलो जित निकालेको छ । शनिबार राती भएको खेलमा सिटीले ब्राइटनलाई ४-० गोल अन्तरले पराजित गरेको हो । घरेलु मैदानमा सिटीलाई जित दिलाउन सर्जियो अग्युरोले दुई गोल गरे । यस्तै केभिन डी ब्रुएन र बर्नार्डो सिल्भाले एक एक गोल गरे ।

खेलको ५५ औं मिनेटमा अग्युरोले व्यक्तिगत दोस्रो गोल गर्दा सिटीको अग्रता ३-० को बन्यो । त्यसपछि खेलको ७९ औं मिनेटमा सिल्भाले गोल गर्दै सिटीलाई ४-० को जित दिलाए । जितसँगै सिटी लिगको शीर्ष स्थानमा उक्लिएको छ । सिटीले ४ खेलबाट १० अंक जोडेको छ । ३ खेलबाट ९ अंक जोडेको लिभरपुल दोस्रो स्थानमा छ । पराजित ब्राइटनले ४ खेलबाट ४ अंक जोडेको छ । ब्राइटन १६ औं स्थानमा छ ।