अखबार नेपाल ट्रेन्डिङ

काठमाडौं: रामेछाप जिल्ला खेलकुद विकास समितिका अध्यक्ष सरोज गाहामगरको प्रमुख आतिथ्यमा रामेछाप जिल्ला कराते महासंघ गठन भएको छ ।

जिल्ला कराते संघको प्रशिक्षक हिमाल योञ्जनको सहभागीतामा ११ सदस्यीय कार्यसमिति चयन भएको हो । नवगठित नयाँ कार्यसमितिमा शुक्र माझी अध्यक्ष भएका छन् भने उमाकुण्ड शाखा डोजोका प्रशिक्षक मनिकुमार सुनुवार सचिव पदमा चयन भएका छन् ।

नवगठित अध्यक्ष माझी जिल्लाका सबै खेलकुद क्षेत्रमा सक्रिय र परिचित खेलाडी तथा प्रशिक्षक हुन् भने सचिव पदका सुनुवार पनि सक्रिय र परिचित खेलाडी तथा प्रशिक्षक हुन् ।

त्यसैगरी नवगठित महासंघको उपाध्यक्षमा मकर बहादुर श्रेष्ठ र ज्ञान बहादुर थापामगर चयन भएका छन् भने सचिवमा मनि कुमार सुनुवार, कोषाध्यक्षमा कुमार चौलागाई र सदस्यहरुमा राजु भुजेल, ईन्द्र रजन मगर, विमल सिजाली मगर, रोमी विक, उत्तम कुमार श्रेष्ठ र सदिक्षा खड्का चयन भएका छन् ।