अखबार नेपाल ट्रेन्डिङ

काठमाडौं: आठौं गोल्डेनपीक अन्तर बिद्यालय बास्केटबल प्रतियोगितामा ओडिसी र बिएनए स्कुल जुनियर ब्वाईजतर्फ क्वाटर फाईनलमा प्रवेश गरेका छन् ।

आईतबार भएको लिग खेलमा ओडिसीले जुगल बोडिङ स्कुललाई २६-१० ले हराउँदा बसुन्धरा नेश्नल एकेडेमी(बिएनए)ले जगत मन्दिरलाई ३५-१४ को स्कोरले पछि पार्दै क्वाटर फाईनलमा स्थान सुरक्षित गरेका हुन ।

ओडिसीको जितमा दिलसन मगरले १० स्कोर गर्दा बिएनएका सन्देश खड्काले सर्वाधिक १२ स्कोर गरेका थिए । जुनियर ब्वाईजतर्फ नै लालिगुराँस र एन्जल्सर्हाटले जित निकालेका छन् ।

चावहिल सरस्वतीनगरस्थित गोल्डेनपीक हाईस्कुलको कोर्टमा भएको सिनियर ब्वाईजको खेलमा ग्रिनल्याण्ड र एचएचसीएले जित निकालेका छन् । ग्रीनल्याण्डले वेबीलोन नेशनल स्कुललाई ६३-४० को फराकिलो अन्तरले पराजित गर्यो ।

ग्रिनल्याण्डको जितमा उत्कृष्ट प्रदर्शन गरेका राजिब आलेले सर्वाधिक ३३ स्कोर गरेका थिए । अन्सु राईको १२ स्कोरको सहयोगमा एचएचसीएले अक्षर एकेडेमीमाथी ४३-३९ स्कोरको सघर्षपूर्ण जित निकाल्यो ।

सिनियर गर्ल्सको एक मात्र खेलमा रिलायन्स पब्लिकले आयरल्याण्ड एकेडेमीलाई १६-१० को स्कोरमा हराउँदा ओजस्वी निरौलाले सर्वाधिक १२ स्कोर गरिन् ।

प्रतियोगितामा जुनियर ब्वाइज तर्फ १२ टिम, सिनियर गर्ल्सतर्फ ६ टिम र सिनियर ब्वाइजतर्फ १२ टिमले प्रतिस्पर्धा गर्ने छन् । लिग कम नकाउटका आधारमा संचालन हुने प्रतियोगिताको गर्ल्स टिमलाई दुई समूहमा बिभाजन गरिएको छ भने ब्वाईजलाई चार समूहमा बिभाजन गरिएको छ । नेपाल बास्केटबल संघको प्राविधिक सहयोगबाट प्रतियोगिता सञ्चालन भएको हो ।