अखबार नेपाल ट्रेन्डिङ

एजेन्सी: आईसीसी एकदिवसीय क्रिकेट विश्वकपमा आज घरेलु टोली ईग्ल्याण्डलाई जित्नै पर्ने दबाबमा भारत सामु मैदान आर्लदैछ । ईङग्ल्याण्डको बर्मिङघममा लिग तालिकाको पाँचौ स्थानमा खस्किएको घरेलु टोली र दोश्रो स्थानको भारतबीच आज प्रतिस्पर्धा हुन लागेको हो ।

यी दुईबिचको खेल आज नेपाली समयानुसार दिउँसो सव तिन बजे शुरु हुनेछ । उपाधि दावेदार मानिएको ईङग्ल्याण्डको शुरुवात राम्रो भएपनि पछिल्लो खेलहरुमा लय गुमाउँदा सेमिफाईनल यात्रा समेत भरापमा पर्ने खतरा बढ्दै गएको छ ।

ईङग्ल्याण्डले शुरुवाती ५ मध्ये चार खेलमा जित निकाल्दै बलियो दावेदारी प्रस्तुत गरेको थियो । तर श्रीलंका र अष्ट्रेलियासँगको पछिल्लो दुई खेल गुमाउँदा आगामी यात्रा कठिन बन्दै गएको हो । न्युजिल्याण्डको बाँकी दुई खेल निकै कठिन छ । आज अपराजित रहँदै विश्वकपको यात्रा जारी राखेको भारतसँग जित्नै पर्नेछ भने त्यसपछि अन्तिम खेलमा न्युजिल्याण्डसँग पनि जित्नै पर्ने दबाब थपिएको छ ।

पछिल्लो तिन खेल जित्दै पाकिस्तान लिगको शिर्ष चारमा उक्लिएपछि घरेलु टोलिलाई अन्तिम चारसम्म पुग्ने बाटो गाह्रो बन्दै गएको हो । यता उच्च लयमा रहेको भारतले आज ईङग्ल्याण्डलाई हराए सेमिफाईनलमा पुग्ने दोश्रो टोलि बन्नेछ । यसअघि अष्ट्रेलिया सेमफिाईनलमा पुगिसकेको छ भने तालिकाको दोश्रो स्थानमा रहेको भारतको ६ खेलबाट ११ अंक छ । ८ खेलबाट ११ अंक भएको न्युजिल्याण्ड तेश्रो, ९ अंक सहित पाकिस्तान चौथो स्थानमा छ ।