अखबार नेपाल ट्रेन्डिङ

मोरङ: मोरङको सुनवर्षी नगरपालिका-९ डाइनियामा रहेको मस्जिदको सेफ्टी ट्यांकीमा निसासिएर शनिबार चार जनाको मृत्यु भएको छ । मर्कज मस्जिदको सेफ्टी ट्यांकीको सेटिङ खोल्न गएका चार जनाको निसासिएर मृत्यु भएको हो ।

मृत्यु हुनेमा सुनवर्षी-९ का २० वर्षीय मोहम्मद फिरोज आलम, २५ वर्षीय सहनवाद आलम, २२ वर्षीय ओसिव आलम र ४५ वर्षीय कपिल आलम रहेको इलाका प्रहरी कार्यालय रंगेलीले जनाएको छ । त्यस्तै बेहोस भएर फसेकालाइ उद्धार गर्न गएका अन्य तीनपनि बेहोस भएका थिए । बेहोस भएका दाउद मियाँ, हेमन्त मियाँ र डोम्राहा मियाँ रंगेली अस्पतालमा उपचारपछि घर फर्किएका छन् ।

मस्जिदको सेफ्टी ट्यांकी एक महिनाअघि चारैतिर बन्द गरेर हावा पास नहुनेगरी ढलाई गरिएको थियो । ट्यांकीको सेटिङ खोल्न गएका सहनवाद आलम बेहोस भएपछि उनलाइ बचाउन अन्यपनि जाने क्रममा बेहोस भएर ढलेका थिए । चारै जनालाई उद्धार गरी अस्पताल लगिएको भएपनि उपचारका क्रममा गोल्डेन अस्पताल विराटनगरमा मृत्यु भएको हो । प्रहरीले घटनाका बारेमा अनुसन्धान भैरहेको जनाएको छ ।