अखबार नेपाल ट्रेन्डिङ

एजेन्सी: आईसीसी एकदिवसीय विश्वकप क्रिकेटमा भारतले ३६ रनले पराजित गरेको छ । लण्डनको ओभल क्रिकेट मैदानमा अष्ट्रेलियालाई ३६ रनले पराजित गर्दै दोस्रो जित निकालेको हो ।

भारतले प्रस्तुत गरेको ३५३ रनको लक्ष्य पछ्याएको अष्ट्रेलिया ५० ओभर खेल्दै ३१६ रन मात्र बनाउन सक्यो । टस जितेर पहिले ब्याटिङ गरेको भारतले पुरै ५० ओभर खेल्दै ५ विकेट गुमाएर ३५२ रन बनायो । भारतको भारतको उच्च लक्ष्यमा शिखर धवनले शतकीय इनिङ्स खेले । धवनले ११७ रन बनाए भने कप्तान विराट कोहली र रोहित शर्माले अर्धशतकीय इनिङ्स खेले । कोहलीले ८२ रन जोड्दा शर्माले ५७ रन बनाए । हार्दिक पाण्डयाले ४८ रन जोडे । यस्तै महेन्द्र सिंह धोनीले विस्फोटक ब्याटिङ गर्दै १४ बलमा २७ रन बनाए ।

अष्ट्रेलियाका मार्कुस स्टोनीसले २ विकेट लिए । यस्तै पाट कुमिन्स, मिचेल स्टार्क र कल्टर नेईलले एक एक विकेट लिए । जितसंगै भारतले २ खेलबाट ४ अंक जोडेको छ । र, भारत तालिकाको तेस्रो स्थानमा उक्लिएको छ । भारतले पहिलो खेलमा दक्षिण अफ्रीकालाई हराएको थियो । अष्ट्रेलियाको यो पहिलो हार हो । अष्ट्रेलियाको ३ खेलबाट ४ अंक रहेको छ । अष्ट्रेलिया तालिकाको चौंथो स्थानमा छ । अष्ट्रेलियाले पहिलो खेलमा अफगानिस्तान र दोस्रोमा वेष्ट इण्डिजलाई हराएको थियो । विश्वकप अन्तर्गत आज वेष्ट इन्डीज र दक्षिण अफ्रीकाबीच प्रतिस्पर्धा हुनेछ ।