अखबार नेपाल ट्रेन्डिङ

बेइजिङ: कोभिड-१९ महामारी र उइगुर समुदायमाथि चिनियाँ ब्यवहारजस्ता चुनौतिबीच बेइजिङ शीतकालिन ओलम्पिक्स सुरु भएको छ ।

९० मुलुकका ३ हजार खेलाडीले प्रतियोगितामा भाग लिएका भव्य समारोहमा राष्ट्रपति सी जिनपिङले ओलम्पिक सुरुआत भएको घोषणा गरे ।

बेइजिङ सहर शीतकालिन र ग्रीष्मयाम ओलम्पिक आयोजना गर्ने पहिलो सहर बनेको छ ।

सन् २००८ मा बेइजिङले समर ओलम्पिक गेम आयोजना गरेको थियो ।

विन्टर ओलम्पिकको शुभारम्भ समारोहमा पाँच हजार वर्ष पुरानो चिनियाँ सभ्यता झल्काउने झाँकी प्रस्तुत गरिएको थियो ।

शुभारम्भ समारोहमा बोल्दै चिनियाँ राष्ट्रपति सी जिनपिङले आफ्नो मुलुकलाई खेलकुद पावरहाउस बनाउने भनाई दोहोर्‍याए ।

कोरोना संकटको कारण ‘क्लोज्ड लुप’ भनिने ओलम्पिक भिलेजमा प्रतियोगिता आइरहेका छन् ।

उक्त थलोबाट खेलाडी र डेलिगेट्सलाई बाहिरी मानिसहरुको सम्पर्कमा जान दिइएको छैन ।

अन्तर्राष्ट्रिय फ्यानलाई पनि प्रतियोगितामा जान अनुमति दिइएको छैन ।