अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा थ्री स्टार क्लबले लगातार दोस्रो जित दर्ता गर्दै हिमालयन शेर्पा क्लबलाई पराजित गरेको छ ।

त्रिपुरेश्वरस्थित दशरथ रंगशालामा आज भएको खेलमा थ्री स्टारले शेर्पामाथि २–० को जित निकालेको हो ।

थ्री स्टारलाई जित दिलाउन घानेफो अन्सुमाना क्रोमाले एक गोल गरे ।

थ्री स्टारले पहिलो एक गोल भने आत्मघाती उपहार पाएको थियो ।

खेलको ५६ औं मिनेटमा अमृतले आत्मघाती गोल गरेका थिए ।

त्यसपछि खेलको इन्जुरी समयको छैटौं मिनेटमा अन्सुमानाले गोल गर्दै थ्री स्टारलाई २-० को जित दिलाए ।

जितसँगै थ्री स्टार ८ खेलबाट १३ अंक जोडेर पाँचौ स्थानमा उक्लन सफल भएको छ ।

थ्री स्टारले शेर्पालाई नै पछि पारेको हो ।

पराजित शेर्पा ११ अंक जोडेर छैटौं स्थानमा झरेको छ ।