अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा त्रिभुवन आर्मी क्लब र नेपाल एपीएफ क्लबले १-१ गोलको बराबरी खेल्दै अंक बाँडेका छन् ।

आज भएको सातौं चरणको पहिलो खेलमा अग्रता जोगाउन नसक्दा आर्मीको उपाधि होडमा धक्का लागेको छ ।

एपीएफले भने टोलीमा विदेशी खेलाडी भित्र्याएदेखि सुधारिएको प्रदर्शन गरेको छ ।

आर्मीका जर्ज प्रिन्स कार्कीले ६३औं मिनेटमो गोल गर्दै टोलीलाई अग्रता दिलाएका थिए ।

लगत्तै खेलको ४ मिनेट नबित्दै एपीएफका बिकी तामाङले बराबरी गोल फर्काए ।

खेलको निर्धारित समयसम्म दुवै टोलीको गोल नहुँदा खेल बराबरीमा सकिएको हो ।

बराबरीसँगै आर्मीको एएफसी कप खेल्ने सपनामा पुर्णविराम लागेको छ ।

सातौं चरणको तालिकाको शीर्ष स्थानमा रहने टोलीले एएफसी कप लाइसेन्स प्राप्त टोलीले एएफसी कपको छनोट चरणमा स्थान बनाउँनेछ ।

बराबरीसँगै आर्मी ७ खेलबाट ११ अंकसहित चौथो स्थानमा छ ।

समान खेलबाट एपीएफ ६ अंकसहित ११औं स्थानमा रहेको छ ।