अखबार नेपाल ट्रेन्डिङ

एजेन्सी: इंग्लिस फुटबल लिग कप अर्थात कारवाओ कप अन्तर्गत प्रिमियर लिग क्लब चेल्सी र टोटेनहम हटस्पर सेमिफाइनलमा प्रवेश गरेका छन् ।

चेल्सीले घरेलु टोली ब्रेन्टफर्डलाई २–० ले पराजित गर्दै अन्तिम चारमा स्थान पक्का गरेको हो ।

चेल्सीको अन्तिम चारको यात्रामा जर्गिन्होले पेनाल्टीमा गोल गर्दा एक गोल उपहार पाएको थियो ।

खेलको ८०औं मिनेटमा पोन्टस जान्ससनले आत्मघाती गोल गरेपछि चेल्सीले खेलमा अग्रता लिएको थियो ।

८५औं मिनेटमा जर्गिन्होले पेनाल्टीमा गोल गर्दै चेल्सीको जित पक्का गरे ।

त्यसैगरी अर्को खेलमा टोटेनहमले वेस्ट ह्याम युनाइटेडलाई २–१ ले पराजित गर्दै अन्तिम चारमा स्थान बनाएको छ ।

टोटेनहमको जितमा स्टेभन वर्गवाइन र लुकास मौउराले गोल गरे ।

वेस्टह्यामका जरोड वोवेनले एक गोल फर्काए ।

खेलको ३२औं मिनेटमा जारोड वोवेनले निकोला भ्लासिकको पासमा गोल गर्दै खेललाई १–१ गोलको बराबरीमा ल्याए ।

३४औं मिनेटमा लुकास मौउराले स्टेभन वर्गवाइनको पासमा गोल गर्दै टोटेनहमलाई २–१ ले जित दिलाए ।