अखबार नेपाल ट्रेन्डिङ

एजेन्सी: बार्यन म्युनिखले जर्मन कपको उपाधि जितेको छ । गएराति भएको खेलमा लिपजिगलाई ३-० गोल अन्तरले पराजित गर्दै बार्यनले उपाधि जितेको हो ।

लगातार सातौ पटक लिग च्याम्पियन बनेको बार्यनले १९औ पटक जर्मन कपको उपाधि जितेको हो । खेलमा अग्रता बार्यनले २९औ मिनेटमा रोबर्ट लिबान्डोस्कीको गोलबाट लिएको थियो । ७८औ मिनेटमा किंग्सले कोम्यानले बार्यनको अग्रतालाई दोब्बर पारेका थिए । ८५औ मिनेटमा लेवान्डोस्कीले ब्यक्तिगत दोस्रो गोल गर्दै टोलीको जित सुनिश्चित गरेका थिए ।

यसै सिजन क्लब छाड्ने निर्णय गरेका फ्रयाङ रिबेरीले उपाधि सहित जर्मन क्लबबाट बिदाई लिएका छन् । प्रशिक्षकको रुपमा निको कोभिकले बार्यनका लागि घरेलु प्रतियोगितामा एकै सिजन दुई उपाधि हात पार्न सफल भएका छन् ।