अखबार नेपाल ट्रेन्डिङ

काठमाडौं: विभागीय टोली एपीएफलाई पराजित गर्दै च्यासल युथ क्लबले जारी सहिद स्मारक ‘ए’ डिभिजन लिग फुटबलमा पहिलो जित दर्ता गरेको छ ।

त्रिपुरेश्वरस्थित दशरथ रंगशालमा शनिबार भएको लिग अन्तर्गत आफ्नो दोस्रा दोस्रो खेलमा एपीएफलाई १-० गोल अन्तरले पराजित गर्दै च्यासल पहिलो जित निकाल्न सफल भएको हो ।

च्यासलको जितका लागि रुमेश बर्तौलाले एक निर्णायक गोल गरे ।

पहिलो हाफ गोलरहित बराबरीमा सकिएको खेलको दोस्रो हाफको शुरुवाती तेस्रो मिनेटमा रुमेशले गोल गरेको थिए ।

त्यसपछि खेलमा दुवै टोलीको तर्फबाट दोहोरो गोल हुन नसकेपछि रमेशको उक्त गोल नै खेलको निर्णाक गोल बन्यो ।

जितसँगै दुई खेलबाट ३ अंक जोडेको च्यासल तालिकाको सातौं स्थानमा उक्लिएको छ ।

यसअघि भएको पहिलो खेलमा भने च्यासल थ्री स्टारसँग ३-० गोल अन्तरले पराजित भएको थियो ।

एपीएफ भने प्रतियोगितामा लगातार दोश्रो हार ब्योहोरेको छ ।

एपीएफ पहिलो खेलमा ब्रिगेड ब्वाइज क्लबसँग ३-२ ले पराजित भएको थियो ।

अंक विहीन एपीएफ तालिकाको पुछारमा रहेको छ ।