अखबार नेपाल ट्रेन्डिङ

चितवन : पाँच घण्टा ढिलो गरी नेकपा एमालेको १०औं महाधिवेशनको बन्दसत्र सुरु भएको छ ।

बिहान १० बजे बस्ने भनिएको बैठक चितवनको होटल सेभेन स्टरमा निर्धारित समायभन्दा ५ घण्टा ढिलो गरी बन्द सत्र सुरु भएको हो ।

बन्द सत्रको सञ्चालन महासचिव ईश्वर पोखरेलले गरेका छन् ।

पदाधिकारीमा धेरै नेताहरु आकांक्षी भएपछि बन्दसत्र ढिला भएको छ । बिहानैदेखि नेताहरु सहमतिका लागि प्रयासरत भएपनि कुनैपनि सहमति हुन सकेको छैन ।

केन्द्रीय पदाधिकारी र सदस्यहरूमा सर्वसम्मत नेतृत्व चयन गर्ने प्रयासका कारण बन्द सत्र लम्बिएको एमाले नेताहरूले बताएका छन् ।

बन्द सत्रलाई विदेशबाट बोलाइएका अथितिहरुले सम्बोधन गर्ने छन भने विभिन्न देशका नेताहरूबाट आएका शुभकामना सन्देश पढेर सुनाइने कार्यक्रम छ ।

बन्द सत्रलाई अध्यक्ष केपी शर्मा ओलीले सम्बोधन गरेपछि बन्द सत्रको हल अध्यक्ष मण्डललाई हस्तान्तरण गरिने कार्यक्रम छ  ।